قازاقستان رەسپۋبليكاسىنىڭ ۇلتتىق بانكى باسقارماسىنىڭ قاۋلىسى  № 199

2014 جىلعى 22 قازاندا,  الماتى قالاسى قازاقستان رەسپۋبليكاسى بانكتەرىنىڭ قۇجاتتامالىق اككرەديتيۆتەرىمەن وپەراتسيالار جۇرگىزۋ قاعيدالارىن بەكىتۋ تۋرالى «قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ زاڭىنا سايكەس, بانكتەردىڭ قۇجاتتامالىق اككرەديتيۆتەرىمەن وپەراتسيالار جۇرگىزۋ ءتارتىبىن جەتىلدىرۋ ماقساتىندا, قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى: 1. قوسا بەرىلىپ وتىرعان قازاقستان رەسپۋبليكاسى بانكتەرىنىڭ قۇجاتتامالىق اككرەديتيۆتەرىمەن وپەراتسيالار جۇرگىزۋ قاعيدالارى بەكىتىلسىن. 2. وسى قاۋلىنىڭ قوسىمشاسىنا سايكەس قازاقستان رەسپۋبليكاسىنىڭ ۇلتتىق بانكى باسقارماسىنىڭ كەيبىر قاۋلىلارىنىڭ كۇشى جويىلدى دەپ تانىلسىن. 3. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. ۇلتتىق بانك توراعاسى ق.كەلىمبەتوۆ. قازاقستان رەسپۋبليكاسىنىڭ ۇلتتىق بانكى باسقارماسىنىڭ 2014 جىلعى 22 قازانداعى №199 قاۋلىسىنا قوسىمشا كۇشى جويىلعان نورماتيۆتىك قۇقىقتىق اكتىلەردىڭ تىزبەسى 1. قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسى بانكتەرىنىڭ قۇجاتتامالىق اككرەديتيۆتەرىمەن وپەراتسيالار جۇرگىزۋ ەرەجەسىن بەكىتۋ تۋرالى» 2000 جىلعى 25 ساۋىردەگى № 178 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 1150 تىركەلگەن). 2. قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسىنىڭ ۇلتتىق بانكى باسقارماسىنىڭ 2000 جىلعى 25 ساۋىردەگى № 178 قاۋلىسىمەن بەكىتىلگەن قازاقستان رەسپۋبليكاسى بانكتەرىنىڭ قۇجاتتامالىق اككرەديتيۆتەرىمەن وپەراتسيالار جۇرگىزۋ ەرەجەسىنە وزگەرىستى بەكىتۋ تۋرالى» 2001 جىلعى 3 قىركۇيەكتەگى № 316 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 1655 تىركەلگەن). 3. قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسى بانكتەرىنىڭ قۇجاتتامالىق اككرەديتيۆتەرىمەن وپەراتسيالار جۇرگىزۋ ەرەجەسىن بەكىتۋ تۋرالى» 2000 جىلعى 25 ساۋىردەگى № 178 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» 2002 جىلعى 18 ساۋىردەگى № 138 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 1860 تىركەلگەن, 2002 جىلعى قازاقستان رەسپۋبليكاسىنىڭ ورتالىق, اتقارۋشى جانە وزگە دە مەملەكەتتىك ورگاندارىنىڭ نورماتيۆتىك قۇقىقتىق اكتىلەرى بيۋللەتەنىنىڭ № 29, 635-قۇجاتتا جاريالانعان). 4. قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسىنىڭ ۇلتتىق بانكى بولىمشەلەرىنىڭ اراسىندا فۋنكتسيالاردى بولۋگە بايلانىستى ماسەلەلەر بويىنشا قازاقستان رەسپۋبليكاسى ۇلتتىق بانكىنىڭ كەيبىر نورماتيۆتىك قۇقىقتىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» 2005 جىلعى 17 قاراشاداعى № 147 قاۋلىسىنا قوسىمشانىڭ 6-تارماعى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №3993 تىركەلگەن). قازاقستان رەسپۋبليكاسىنىڭ ۇلتتىق بانكى باسقارماسىنىڭ 2014 جىلعى 22 قازانداعى №199 قاۋلىسىمەن بەكىتىلگەن قازاقستان رەسپۋبليكاسى بانكتەرىنىڭ قۇجاتتامالىق اككرەديتيۆتەرىمەن وپەراتسيالار جۇرگىزۋ قاعيدالارى قازاقستان رەسپۋبليكاسى بانكتەرىنىڭ قۇجاتتامالىق اككرەديتيۆتەرىمەن وپەراتسيالار جۇرگىزۋ قاعيدالارى (بۇدان ءارى – قاعيدالار) «قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ زاڭىنا, «قازاقستان رەسپۋبليكاسىنداعى بانكتەر جانە بانك قىزمەتى تۋرالى» 1995 جىلعى 31 تامىزداعى قازاقستان رەسپۋبليكاسىنىڭ زاڭىنا, «اقشا تولەمى مەن اۋدارىمى تۋرالى» 1998 جىلعى 28 ماۋسىمداعى قازاقستان رەسپۋبليكاسىنىڭ زاڭىنا (بۇدان ءارى – تولەمدەر تۋرالى زاڭ), حالىقارالىق ساۋدا پالاتاسى قابىلداعان قۇجاتتامالىق اككرەديتيۆ بويىنشا بىرىزدەندىرىلگەن داستۇرلەرىنە جانە قاعيدالارىنا (International Chamber of Commerce, UCP Publication № 600) سايكەس ازىرلەندى جانە قازاقستان رەسپۋبليكاسى بانكتەرىنىڭ (بۇدان ءارى - بانكتەر) قۇجاتتامالىق اككرەديتيۆتەرىمەن وپەراتسيالار جاساۋ ءتارتىبىن رەتتەيدى. 1. جالپى ەرەجەلەر 1. قۇجاتتامالىق اككرەديتيۆ (بۇدان ءارى - اككرەديتيۆ) – بانك كليەنتتىڭ ءوتىنىشى مەن نۇسقاۋلىعىنا سايكەس قابىلداعان نەمەسە ءوز قالاۋى بويىنشا بەلگىلى ءبىر بەنەفيتسيارعا تولەم جاساۋى نەمەسە ونىڭ بۇيرىعى بويىنشا اكتسەپت جاساۋى جانە بەنيفيتسيار ۇسىنعان اۋدارىم ۆەكسەلدەرىنە (تراتت) تولەم جاساۋى نەمەسە ەگەر اككرەديتيۆتىڭ بارلىق شارتتارى ساقتالماسا, بەلگىلەنگەن مەرزىمىنە قاراي اككرەديتيۆتە كوزدەلگەن قۇجاتتاردى ساۋدالاۋ (نەگوتسياتسيا) جونىندە بانكتىڭ قايتارىپ الىنبايتىن مىندەتتەمەسى كوزدەلگەن قۇجاتتامالىق ەسەپ ايىرىسۋ نىسانى. اككرەديتيۆ دەپ ساتىپ الۋ-ساتۋ شارتىنان نەمەسە باسقا دا شارتتان ەرەكشەلەنگەن, سولارعا نەگىزدەلەتىن مامىلەنى ايتادى. 2. قاعيدالاردا مىناداي ۇعىمدار پايدالانىلادى: 1) اۆيزو جاساۋشى بانك – بەنەفيتسيارعا ەميتەنت بانك ءوز تاراپىنان مىندەتتەمە الماي-اق اككرەديتيۆتى جانە/نەمەسە وعان وزگەرىستى بەرۋگە ۋاكىلەتتىك بەرگەن بانك; 2) اككرەديتيۆكە بۇيرىق بەرۋشى (بۇدان ءارى – بۇيرىق بەرۋشى) – قىزمەت كورسەتەتىن بانككە (ەميتەنت بانككە) اككرەديتيۆ اشۋعا ءوتىنىش بەرەتىن ادام; 3) بەنەفيتسيار – پايداسىنا اككرەديتيۆ اشىلاتىن زاڭدى نەمەسە جەكە تۇلعا; 4) نەگوتسياتسيا – ورىنداۋشى بانكتەن وزگە بانككە ۇسىنىلعان اۋدارىم ۆەكسەلدەرىن (تراتتى) جانە (نەمەسە) قۇجاتتاردى ورىنداۋشى بانكتىڭ اۆانستاۋ نەمەسە بەنەفيتسيارعا بانك كۇنى اقشانى اۆانستاۋعا كەلىسىم بەرۋ جولىمەن ساتىپ الۋى, ول كۇنى نەمەسە ول باستالعانعا دەيىن ورىنداۋشى بانككە وتەم بەرىلۋگە ءتيىس; 5) ورىنداۋشى بانك - ەميتەنت بانك قۇجاتتاردى قابىلداۋعا, تەكسەرۋگە جانە ونىڭ تالاپتارىنا سايكەس اككرەديتيۆتەردى ورىنداۋعا ۋاكىلەتتىك بەرگەن بانك نەمەسە ەگەر اككرەديتيۆتىڭ ورىندالۋى كەز كەلگەن بانكتە كوزدەلگەن جاعدايدا كەز كەلگەن بانك; 6) وتەم جاسالعان اككرەديتيۆ - اشىلعان كەزدە بۇيرىق بەرۋشى ەميتەنت بانكتىڭ باسقارۋىنا اككرەديتيۆ سوماسىنا تەڭ اقشا سوماسىن (وتەمدى) وسى اقشانى اككرەديتيۆ بويىنشا تولەۋ ءۇشىن پايدالانۋعا بولاتىن شارتپەن اككرەديتيۆتىڭ قولدانىلۋ مەرزىمىنە بەرىلەتىن اككرەديتيۆ; 7) راستالعان اككرەديتيۆ - ەميتەنت بانكتىڭ اككرەديتيۆ بويىنشا تولەم مىندەتتەمەسىن ورىنداۋدى جۇزەگە اسىرۋ مىندەتتەمەسىنە قوسىمشا نەمەسە تيىسىنشە رەسىمدەلگەن نەگوتسياتسيانى راستايتىن بانكتىڭ مىندەتتەمەسى; 8) راستاۋشى بانك – ەميتەنت بانكتىڭ تالاپتارىنا سايكەس ونىڭ مىندەتتەمەسىنە قوسىمشا اككرەديتيۆتەردى ورىنداۋ جونىندە مىندەتتەمە قابىلدايتىن بانك; 9) ترانسفەرابەل اككرەديتيۆى – اۋدارىمدى بولىپ تابىلاتىندىعى جانە ءبىرىنشى بەنەفيتسياردىڭ نۇسقاۋى بويىنشا ءبىر نەمەسە بىرنەشە بەنەفيتسياردىڭ پايداسىنا (اۋدارۋدى) ونى تولىق نەمەسە ءىشىنارا پايدالانۋ مۇمكىندىگىن كوزدەيتىندىگى كورسەتىلگەن اككرەديتيۆ; 10) ەميتەنت بانك - اككرەديتيۆكە بۇيرىق بەرۋشىنىڭ وتىنىشىنە سايكەس اككرەديتيۆ اشاتىن جانە ونىڭ تالاپتارىنا سايكەس اككرەديتيۆتى ورىنداۋ جونىندەگى مىندەتتەمەنى اتقارۋشى بانك. 3. وسى قاعيدالارمەن رەتتەلمەيتىن قاتىناستار حالىقارالىق ساۋدا پالاتاسىنىڭ قۇجاتتامالىق اككرەديتيۆى بويىنشا بىرىزدەندىرىلگەن داستۇرلەرىمەن جانە قاعيدالارىمەن (International Chamber of Commerce, UCP Publication № 600), تاراپتار اراسىندا جاسالعان شارتتارمەن (بار بولسا), اككرەديتيۆ اشۋعا ارنالعان وتىنىشتەردىڭ تالاپتارىمەن جانە بانك تاجىريبەسىندە قولدانىلاتىن ىسكەرلىك اينالىم داستۇرلەرمەن رەتتەلەدى. 2. اككرەديتيۆتى اشۋ ءتارتىبى 4. بانك قازاقستان رەسپۋبليكاسىنىڭ ۇلتتىق بانكىنىڭ (بۇدان ءارى – ۇلتتىق بانك) اككرەديتيۆ اشۋ (ۇسىنۋ) جانە راستاۋ بويىنشا بانك وپەراتسيالارىن جانە وزگە دە وپەراتسيالاردى جۇرگىزۋگە ليتسەنزياسى بار بولسا عانا اككرەديتيۆ اشۋدى جۇزەگە اسىرادى. 5. اككرەديتيۆ اشۋ ءۇشىن بۇيرىق بەرۋشى قىزمەت كورسەتەتىن بانككە (ەميتەنت بانككە) نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 4602 بولىپ تىركەلگەن, قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ «كرەديتتەۋ جونىندەگى قۇجاتتاماسىن جۇرگىزۋ ەرەجەسىن بەكىتۋ تۋرالى» 2007 جىلعى 23 اقپانداعى № 49 قاۋلىسىندا كوزدەلگەن قۇجاتتاردى (ۇلتتىق بانكتە اككرەديتيۆتەر اشۋدى قوسپاعاندا) جانە اككرەديتيۆ اشۋ تۋرالى ءوتىنىشتىڭ ەكى داناسىن ۇسىنادى. ءوتىنىشتىڭ ءبىرىنشى داناسى اككرەديتيۆ اشۋ ءۇشىن بانكتە, قابىلداعانى تۋرالى بەلگى قويىلعان ەكىنشى داناسى كليەنتكە قايتارىلادى. 6. اككرەديتيۆ اشۋعا ارنالعان وتىنىشتە مىنالار بولۋعا تيiس: 1) بۇيرىق بەرۋشiنiڭ اتى-ءجونى جانە مەكەنجايى; 2) بەنەفيتسياردىڭ اتاۋى جانە مەكەنجايى, ونىڭ بانكتiك دەرەكتەمەلەرi; 3) اۆيزو جاساۋشى بانكتiڭ اتاۋى; 4) اككرەديتيۆتiڭ ءتۇرi; 5) اككرەديتيۆ سوماسى; 6) اككرەديتيۆتiڭ ورىندالۋ تاسىلدەرى; 7) بانكتىڭ اككرەديتيۆتىڭ ورىندالۋعا جاتاتىندىعى نەمەسە ونىڭ كەز كەلگەن بانكتە ورىندالۋعا جاتاتىندىعى تۋرالى نۇسقاۋى; 8) تاۋاردىڭ نەمەسە قىزمەتتىڭ اتاۋى; 9) اككرەديتيۆتەردiڭ ورىندالۋىنا قايشى كەلەتiن قۇجاتتاردىڭ تiزبەسi; 10) اككرەديتيۆتiڭ ورىندالۋ مەرزiمi, تيەۋ مەرزiمi (قاجەت بولعان جاعدايدا), قۇجاتتار بەرۋ مەرزiمi; 11) اككرەديتيۆ بويىنشا بانك شىعىستارىنىڭ ورنىن تولتىراتىن تاراپتاردىڭ اتاۋى. 7. بانك اككرەديتيۆ اشۋ مەرزىمىن بەلگىلەيدى. بۇل رەتتە وتەلگەن اككرەديتيۆتى اشۋ ءۇشىن مەرزىم ءۇش جۇمىس كۇنىنەن, وتەلمەگەن اككرەديتيۆ ءۇشىن – جيىرما جۇمىس كۇنىنەن اسپاۋعا ءتيىس. بانك اككرەديتيۆتەردى اشۋ مەرزىمىن كليەنت بانككە وسى قاعيدالاردا جانە قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگى باسقارماسىنىڭ «كرەديتتەۋ جونىندەگى قۇجاتتاماسىن جۇرگىزۋ ەرەجەسىن بەكىتۋ تۋرالى» 2007 جىلعى 23 اقپانداعى № 49 قاۋلىسىندا كوزدەلگەن قۇجاتتاردىڭ تولىق توپتاماسىن ۇسىنعان كۇننەن باستاپ ەسەپتەيدى. 8. ەلەكتروندىق حابار الماسۋ تۋرالى شارت بولعان كەزدە بۇيرىق بەرۋشى اككرەديتيۆ اشۋعا ارنالعان ءوتىنىشتى ەميتەنت بانككە ەلەكتروندىق تاسىلمەن, ونى قاعاز تاسىمالداۋىشتا راستاماي-اق, ەلەكتروندىق قۇجاتتار الماسۋدىڭ ءتيىستى جۇيەلەرىن پايدالانا وتىرىپ بەرە الادى. 9. بانك الىنعان ءوتىنىشتىڭ نەگىزىندە اۆيزو جاساۋشى نەمەسە ورىنداۋشى بانككە تىكەلەي, نە باسقا بانك ارقىلى بەرۋ ءۇشىن اككرەديتيۆتى رەسىمدەيدى. 10. اككرەديتيۆتە ونى ورىنداۋ ءتاسىلى كورسەتىلەدى – ۇسىنۋ بويىنشا تولەم جاساۋ, مەرزىمىن ۇزارتىپ تولەم جاساۋ, اۋدارىم ۆەكسەلدەرiنiڭ (تراتت) اكتسەپتi نەمەسە نەگوتسياتسيا نە ارالاس تولەم جاساۋ. 11. بانكتەردە اشىلعان جانە ورىندالاتىن اككرەديتيۆ سوماسى قازاقستاندىق تەڭگەمەن نەمەسە شەتەل ۆاليۋتاسىمەن كورسەتiلەدi. 3. اككرەديتيۆتى ورىنداۋ 12. بانكتەردىڭ قۇجاتتاردى تەكسەرۋ ءتارتىبى مەن مەرزىمدەرى, اككرەديتيۆتى اۋدارۋ بانك تاجىريبەسىندە پايدالانىلاتىن حالىقارالىق ستاندارتتارعا جانە حالىقارالىق ساۋدا پالاتاسىندا قابىلدانعان قۇجاتتامالىق اككرەديتيۆى بويىنشا بىرىزدەندىرىلگەن داستۇرلەرىنە جانە قاعيدالارىنا (International Chamber of Commerce, UCP Publication № 600) سايكەس جۇزەگە اسىرىلادى. 13. ەميتەنت بانكتە نەمەسە ورىنداۋشى بانكتە اككرەديتيۆتە كوزدەلگەن تيىسىنشە رەسىمدەلگەن قۇجاتتار بولعان كەزدە, سونداي-اق اككرەديتيۆتىڭ بارلىق تالاپتارى ساقتالعان كەزدە ەميتەنت بانك اككرەديتيۆتى مىناداي جولمەن: 1) ۇسىنۋ بويىنشا تولەم جاساۋ, مەرزىمىن ۇزارتىپ تولەم جاساۋ نەمەسە ەميتەنت بانكتىڭ اكتسەپتى; 2) ەگەر ورىنداۋشى بانك تولەمەسە, ورىنداۋشى بانككە ۇسىنۋ بويىنشا تولەم جاساۋ; 3) ەگەر ورىنداۋشى بانك مەرزىمىن ۇزارتىپ تولەم جاساۋ مىندەتتەمەسىن وزىنە قابىلداماسا, نە مەرزىمىن ۇزارتىپ تولەم جاساۋ مىندەتتەمەسىن وزىنە قابىلداي وتىرىپ, مەرزىمى كەلگەن كەزدە تولەمەسە, مەرزىمىن ۇزارتىپ تولەم جاساۋ; 4) ەگەر ورىنداۋشى بانك وعان قويىلعان اۋدارىم ۆەكسەلىن (تراتتى) اكتسەپتەمەسە, نەمەسە وعان قويىلعان اۋدارىم ۆەكسەلىن (تراتتى) اكتسەپتتەپ, مەرزىمى كەلگەن كەزدە تولەمەسە, اكتسەپت ارقىلى; 5) ەگەر ورىنداۋشى بانك نەگوتسياتسيانى جۇزەگە اسىراماسا, نەگوتسياتسيا ارقىلى ورىندايدى. 14. اككرەديتيۆتەردى ورىنداۋ ماقساتىندا جۇزەگە اسىرىلاتىن تولەمدەر تەك قولما-قول اقشاسىز جاسالاتىن تارتىپپەن عانا جۇرگىزىلەدى. 15. بەنەفيتسياردىڭ پايداسىنا تولەمدى جۇزەگە اسىرۋ كەزىندە ەميتەنت بانك (ورىنداۋشى بانك) اككرەديتيۆ سوماسىنا تولەم تاپسىرماسىن رەسىمدەيدى, ونىڭ ورىندالۋى تولەمدەر تۋرالى زاڭدا, «ۆاليۋتالىق رەتتەۋ جانە ۆاليۋتالىق باقىلاۋ تۋرالى» 2005 جىلعى 13 ماۋسىمداعى قازاقستان رەسپۋبليكاسىنىڭ زاڭىندا, قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 1155 تىركەلگەن قازاقستان رەسپۋبليكاسىنىڭ ۇلتتىق بانكى باسقارماسىنىڭ «تولەم تاپسىرمالاردى, تولەمدىك تالاپ-تاپسىرمالاردى, ينكاسسالىق وكىمدەردى رەسىمدەۋ, پايدالانۋ جانە ورىنداۋ جونىندەگى نۇسقاۋلىقتى بەكىتۋ تۋرالى» 2000 جىلعى 25 ساۋىردەگى قاۋلىسىندا, سونداي-اق قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 7701 تىركەلگەن قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسىندا ۆاليۋتالىق وپەراتسيالاردى جۇزەگە اسىرۋ قاعيدالارىن بەكىتۋ تۋرالى» 2012 جىلعى 28 ساۋىردەگى № 154 قاۋلىسىندا بەلگىلەنگەن تارتىپپەن جانە تالاپتاردى ساقتاۋمەن جۇرگىزىلەدى. 16. اككرەديتيۆ پەن كەز كەلگەن وزگەرىس اۆيزو جاساۋشى بانك ارقىلى بەنەفيتسيارعا اۆيزو جاسالۋى مۇمكىن. راستاۋشى بانك بولىپ تابىلمايتىن اۆيزو جاساۋشى بانك اككرەديتيۆتى جانە كەز كەلگەن وزگەرىستى مىندەتتەمەنى ورىنداۋ نەمەسە نەگوتسياتسيا جاساۋ مىندەتتەمەسىنسىز اۆيزو جاسايدى. 17. اككرەديتيۆتى اۆيزو جاساۋ ءۇشىن اۆيزو جاساۋشى بانكتىڭ نەمەسە ەكىنشى اۆيزو جاساۋشى بانكتىڭ قىزمەتتەرىن پايدالانعان بانك كەز كەلگەن وزگەرىستى اۆيزو جاساۋ ءۇشىن سول بانكتى پايدالانۋى ءتيىس. 18. بەنەفيتسياردىڭ اۋدارىم ۆەكسەلدەرىن (تراتت) اكتسەپتتەۋ نەمەسە نەگوتسياتسياسى اككرەديتيۆ تالاپتارىنا قاراي «قازاقستان رەسپۋبليكاسىنداعى ۆەكسەل اينالىسى تۋرالى» 1997 جىلعى 28 ساۋىردەگى قازاقستان رەسپۋبليكاسىنىڭ زاڭىنا جانە قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 1016 تىركەلگەن, قازاقستان رەسپۋبليكاسىنىڭ ۇلتتىق بانكى باسقارماسىنىڭ «ەكىنشى دەڭگەيدەگى بانكتەردىڭ اۋدارىم جانە جاي ۆەكسەلدەرمەن وپەراتسيالار جۇرگىزۋ ەرەجەسىن بەكىتۋ جونىندە» 1999 جىلعى 15 قاراشاداعى № 397 قاۋلىسىنا سايكەس جۇرگىزىلەدى. 4. بانكتەردىڭ داۋلى احۋالداردى شەشۋ كەزىندەگى ءىس-ارەكەتى 19. بانكتەر مىنالارعا بايلانىستى ماسەلەلەردى قارامايدى: 1) اككرەديتيۆ تالاپتارىنا سايكەس ۇسىنىلاتىن قۇجاتتاردىڭ نىسانى, تولىقتىعى, ناقتىلىعى, تۇپنۇسقالىعى, قولدان جاساۋ نەمەسە زاڭدىق ءمانى ءۇشىن, سونداي-اق قۇجاتتارداعى نەمەسە ولارعا قوسىمشا قوسىلعان جالپى نەمەسە جەكە تالاپتارى. 2) قۇجاتتاردا كورسەتىلگەن تاۋارلاردىڭ سيپاتتاماسى, سانى, سالماعى, ساپاسى, وراۋى, جەتكىزىلۋى, قۇندىلىعى نەمەسە ناقتى بولۋى ءۇشىن, سونداي-اق جۇك جونەلتۋشىنىڭ, تاۋاردى تاسىمالداۋشىلاردىڭ, ساقتاندىرۋشىلاردىڭ جانە باسقا دا تۇلعالاردىڭ ءىس-قيمىلدارى, تولەم قابىلەتتىلىگى, مىندەتتەمەلەرىن ورىنداۋى, كوممەرتسيالىق بەدەلى; 3) جولدا قانداي دا ءبىر حابارلامالاردىڭ, حاتتاردىڭ نەمەسە قۇجاتتاردىڭ جولدا كەشىكتىرىلگەنى نەمەسە جوعالعانى, تەلەكوممۋنيكاتسيالىق حابارلامالاردى بەرگەن كەزدە بانكتەردىڭ كىناسىنەن ەمەس پايدا بولاتىن بۇرمالانۋ مەن باسقا قاتەلەر; 4) تەحنيكالىق تەرميندەردىڭ اۋدارماسىنداعى نەمەسە تۇسىندىرمەسىندەگى قاتەلەر جانە اككرەديتيۆتەردىڭ تەرميندەرىن ولاردى اۋدارماستان بەرۋ. 20. بانكتەر اككرەديتيۆتىڭ بۇيرىق بەرۋشىسىنىڭ نۇسقاۋلىقتارىن ورىنداۋ ءۇشىن باسقا بانكتىڭ نەمەسە باسقا بانكتەردىڭ قىزمەتتەرىن پايدالانعان كەزدە باسقا بانكتىڭ نۇسقاۋلىقتاردى ورىنداماۋىنا بايلانىستى ماسەلەلەردى قارامايدى. ەگەر اككرەديتيۆتە وزگەشە كورسەتىلمەسە, باسقا تاراپتىڭ قىزمەتىن پايدالاناتىن تاراپ قانداي دا ءبىر قىزمەتتەردى ورىنداۋ ءۇشىن, كوميسسيانى, تولەمدەردى جانە وسىنداي نۇسقاۋلىقتاردى ورىنداۋعا بايلانىستى نۇسقاۋ العان تاراپ كوتەرگەن شىعىنداردى قوسا العاندا, بارلىق شىعىنداردى كوتەرەدى. 21. تاراپتار اراسىندا ۋاعدالاستىققا قول جەتكىزىلمەگەن كەزدە داۋالار سوت تارتىبىمەن شەشىلەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 9 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9948 بولىپ ەنگىزىلدى.